Os vindeiros 13 e 14 de marzo terán lugar no IES Francisco Daviña Rey as XXII Xornadas de Tecnoloxía organizadas pola APETEGA.

Este curso, que oferta 120 prazas dirixidas principalmente ao profesorado de educación secundaria e bacharelato, será homologado pola Consellería de Educación como actividade de formación do profesorado por un total de 12 horas.

A Asociación do Profesorado de Tecnoloxía de Galicia, APETEGA, comprácese en convidarvos a participar das XXII XORNADAS DE TECNOLOXÍA DE GALICIA a celebrar no IES Francisco Daviña Rey o 13 e 14 de Marzo de 2026. 

 FORMULARIO DE INSCRICIÓN NAS XXII XORNADAS

Prazo de inscrición: dende o 11 de Febreiro ás 22:00 ata o 4 de Marzo ás 22.00 h

DÍPTICO DAS XORNADAS

LISTADO DE ALOXAMENTOS EN MONFORTE PARA AS XORNADAS

OBXECTIVOS

• Intercambio e divulgación de experiencias didácticas, material de aula e proxectos relacionados coa área de Tecnoloxía.
• Iniciación e afondamento práctico nos distintos ámbitos da área de Tecnoloxía: materiais, electrónica, domótica, IoT, etc.
• Aumento da intercomunicación educativa para a mellora na calidade do ensino público. 

CONTIDOS

• Técnicas didácticas de aplicación práctica na aula-obradoiro. Experiencias innovadoras para a
  práctica docente na área.
• Maker Maxia, utilización da impresora 3D e da cortadora láser na elaboración de proxectos de
  estruturas e mecanismos.
• Domótica (ecosistema Matter), ciberseguridade (técnicas OSINT), MicroPython, Micro:Bit
  (observatorio de Eclipses), EchidnaShield (práctica con Learming ML).
• Ferramentas IA (NotebookLM, Gamma, GPT4ALL, n8n...), creación de ChatBots educativos, a IA
  nos xogos de mesa (Go, Cotadrez).

METODOLOXÍA

• Obradoiros prácticos, comunicacións e exposición de proxectos. 

IMPORTANTE

• Calquera pode participar impartindo obradoiros, facendo unha comunicación, traendo proxectos para expoñer, etc. 
• Está solicitada a homologación das Xornadas á Consellería de Educación e Ordenación Universitaria por un total de 12 horas. 
• Agradecemos a inscrición con antelación coa fin de facilitar a organización. 
• Colgarase información detallada de utilidade na web de APETEGA, na sección sobre as Xornadas (https://www.apetega.gal/gl/novas/2026/xxii-xornadas-de-tecnoloxia).
• O profesorado dependente da Consellería de Educación, en virtude da Orde do 29 de xaneiro de 2016, pode a través da dirección do centro solicitar á xefatura territorial autorización para asistir entregando esta solicitude dixital. 

Para calquera dúbida ou suxestión, escribir a asociacionapetega@gmail.com.

• Número de prazas: 120

• Criterios de selección: por orde de inscrición, dando preferencia aos socios de APETEGA.

• Prazo de inscrición: dende o 11 de Febreiro ás 22:00 ata o 4 de Marzo ás 22.00 h.

• Esta actividade é gratuíta para os socios de APETEGA.

• Para os non socios a cota de inscrición é de 60 €, polo que ademais da inscrición on-line deberán facer o ingreso na conta de APETEGA e presentar o xustificante de dito ingreso ao comezo da Xornada.

• Os non socios que desexen aproveitar a ocasión para asociarse só terán que facer un ingreso de 70 € na conta de APETEGA correspondentes á cota de alta como socio e enviar a autorización de domiciliación bancaria asinada, para a seguinte renovación anual a contacto@apetega.gal.

• Conta APETEGA: ES14 3070 0021 7561 9418 8329 (Caixa Rural)