Corpo

Segundo o recollido no artigo 23 dos estatutos de APETEGA, a presidenta convoca ós socios a unha xuntanza ordinaria da ASEMBLEA que terá lugar o vindeiro día 14 de abril de 2018, ás 11:00 horas en primeira convocatoria e media hora despois en segunda convocatoria, no IES Lamas de Abade.

Convocatoria en pdf.

ASEMBLEA DA APETEGA

Imaxe
20 anos da Apetega
Corpo

Un espazo de confluencia de todo o sector que avanza para ser referente internacional.

A II Feira da Enerxía de Galicia dará continuidade a un proxecto que contou con grande acollida na súa primeira convocatoria por ofrecer unha efectiva resposta ao sector.

Farao cunha cita que afondará nas súas claves: a converxencia de empresas, institucións, profesionais e usuarios nun foro con presenza de todos os tipos de enerxía e a mellor formulación posible para a xeración de negocio, a innovación e tamén a divulgación tanto técnica como social.

Entre os seus eixos principais estarán a bioenerxía, o aforro e eficiencia enerxética e os combustibles alternativos para sectores difusos (transporte, gandería, residuos…).

Unha excelente formulación coa que o certame quere posicionarse como referente no suroeste europeo.

A II Feira da Enerxía de Galicia

Imaxe
feira da enerxia
Corpo

STEM Discovery Week 2018 é unha iniciativa internacional conxunta que convida a proxectos, organizacións e escolas de toda Europa e de todo o mundo para celebrar carreiras e estudos nos campos de Ciencia, Tecnoloxía, Enxeñería e Matemáticas (STEM). O eslógan da campaña deste ano, "diga si a STEM", describe o apoio aberto e dedicado dos socios ás materias de STEM na escola, así como á ampla colaboración entre as partes interesadas na área.

STEM DISCOVERY WEEK 2018

Imaxe
stem
Corpo

Os vindeiros 13 e 14 de abril, terán lugar no IES Lamas de Abade de Santiago de compostela as XVII Xornadas de Tecnoloxía organizadas por APETEGA; o programa das xornadas podes atopalo aquí (programa.pdf)

Este curso, que oferta 120 prazas dirixidas principalmente ao profesorado de educación secundaria e bacharelato, será homologado pola Consellería de Educación como actividade de formación do profesorado por un total de 12 horas (resolución). O profesorado dependente da Consellería de Educación, en virtude da Orde do 29 de xaneiro de 2016, pode a través da dirección do centro solicitar á xefatura territorial autorización para asistir entregando esta solicitude

Inscrición:

    Nota: Consulte por favor o programa das xornadas antes de formalizar a súa inscrición; hai obradoiros nos que se precisa que os asistentes leven portátil e nalgúns casos outro material enviado aos centros de ensino.

As cotas de inscrición son:

  • Socios/as: Gratis (en caso de non ter domiciliado o pago da cota de renovación, a cota a pagar é de 30 €)

  • Non socios/as: 60 euros (50% redución para estudiantes e desempregados)

AVISO:  No caso de ter perdida a condición de asociado -por impago das cotas por un período superior a dous anos- ou no caso de querer pertencer á APETEGA, débese consultar a información relativa a altas no apartado "asociación" desta páxina.

O procedemento de inscrición é o seguinte:

  1. Completar este formulario do 15 de marzo ao 7 de abril de 2018 (utilizar o correo de gmail).

  2. Segundo corresponda, facer o ingreso na conta de Caixa Rural nº  ES14 3070 0021 7561 9418 8329 e enviar copia do comprobante de pago ao correo electrónico de APETEGA ou entregar o comprobante en man no momento da presentación nas xornadas.

  3. As persoas inscritas serán matriculadas no curso XVII Xornadas da aula virtual (tódolos socios de Apetega xa teñen conta de usuario). Cada asistente fará a escolla online dos obradoiros aos que asistirá, desde as 21:00 horas do 12 de abril de 2018

Máis información

XVII XORNADAS DE TECNOLOXÍA

Imaxe
XVII XORNADAS
Corpo

O curso Experto Universitario en Robótica, Programación e Impresión 3D de UNIR e BQ capacita aos profesionais do ensino para impartir formación na aula sobre novas tecnoloxías relacionadas co deseño e a impresión 3D, a electrónica, a robótica e a programación.

Con este curso en robótica educativa para docentes aprenderás:

  • Programación de placas controladoras da familia Arduino e Bitbloq
  • Desenvolvemento de aplicacións robóticas, domóticas e inventos caseiros
  • Programación de dispositivos Android e comunicación con placas Arduino
  • Deseño 3D a través de OpenScad e FreeCad
  • Impresión 3D
  • Competencias e metodoloxías para a inclusión na aula

Robótica, Programación e Impresión 3D

Imaxe
robotica,impresion 3D
Corpo

A Asociación do Profesorado de Tecnoloxía de Galicia (APETEGA) cumpre 20 anos traballando pola defensa da Tecnoloxía e pola formación do profesorado. Neste tempo organizou xornadas para actualizar ós docentes nos novos contidos e tamén loitou pola presenza da Tecnoloxía nas distintas reformas educativas. Actualmente conta 170 socios que gozan dunha rolda de correo para resolver dúbidas e dunha páxina (apetega.gal) na que se colocan todas as novas que teñan que ver coa Tecnoloxía. Neste sitio tamén se pode acceder á aula virtual para acadar formación e documentación relativa á nosa materia.

Dende a asociación queremos agradecer a todos aqueles que colaboraron coa APETEGA e convidar ó profesorado a formar parte da mesma e a participar nas XVII Xornadas de Tecnoloxía que este ano van ter lugar en Santiago de Compostela os días 13 e 14 de abril.

Cartaz dos 20 anos

20 anos da APETEGA

Imaxe
20 anos da Apetega
Corpo

A calculadora de Verea é un orgullo dos Estados Unidos. A súa máquina multiplicadora consérvase como unha xoia na compañía IBM en Nova York e está exposta no Museo Nacional da Historia de América, que rexenta o prestixioso Instituto Smithsonian. Porque o galego Ramón Verea figura na historia mundial da computación como o primeiro que foi quen de crear un trebello que multiplicaba directamente, sen necesidade de facer sumas sucesivas dándolle voltas a un manubrio.

A máquina de Verea, que patentou en 1878, non é pouca cousa: pesaba 23 quilos e podía multiplicar e dividir números de nove cifras, admitindo ata seis díxitos no multiplicador e quince no produto. Din as crónicas que o trebello podía resolver 698.543.721 × 807.689 en vinte segundos, unha velocidade sorprendente para a súa época.

Malia a súa celebridade posterior, Verea non gañou co seu invento nin un céntimo nin un centavo; nin unha peseta nin un dólar. Porque, como el mesmo declaraba, ideou a máquina simplemente para demostrar que podía facelo. Que “un español podía inventar como un norteamericano”. Que un home da parroquia de Curantes, no concello da Estrada, era quen de situarse na vangarda mundial da computación.

Porque o galego Ramón Silvestre Verea Aguiar y García foi todo un personaxe. Naceu na Estrada (Pontevedra) o 11 de decembro de 1833 e finou en Bos Aires o 6 de febreiro de 1899 e a súa vida foi unha sucesión de empresas no xornalismo, a literatura e a enxeñaría.

GCIENCIA

O galego que inventou a máquina multiplicadora

Imaxe
CALCULADORA
Corpo
A Escola de Enxeñería Industrial (EEI) da Universidade de Vigo convoca a cuarta edición da Competición de Robots en colaboración coa Rama de Estudantes do IEEE (Institute of Electrical and Electronics Engineers) da Universidade de Vigo e a Sección de Estudantes de ISA (International Society of Automation) da Universidade de Vigo.
 
O obxectivo fundamental deste concurso é achegar a Universidade ao alumnado de Ensino Secundario e Bacharelato ademais de promocionar as titulacións da Escola de Enxeñería Industrial e fomentar o interese dos alumnos polas disciplinas STEM, máis especificamente polos estudos de Enxeñería. En particular, coa categoría superior, preténdese potenciar a autoaprendizaxe no deseño, construción e programación de robots autónomos. Por outra banda, este evento é unha oportunidade para tratar de impulsar a interconexión entre estudantes de distintas disciplinas tanto no ámbito universitario como de ciclos superiores.
 
Para o correcto desenvolvemento da competición e fomentar que podan participar equipos con diferentes perfís de alumnos, establécense dúas categorías:
 
WAL-E
R2D2
 
Nesta categoría poderán participar os alumnos matriculados durante o curso 2017/2018 en calquera curso de Ensino Secundario (ESO e Bacharelato).
 

IV Competición de Robots da EEI

Imaxe
uvigo
Corpo

Descrición xeral

A programación permite potenciar a creatividade e a aprendizaxe. Scratch é unha ferramenta que nos introduce na arte de programar desde idades moi temperás. Estando desenvolvido polo MIT e a Universidade de California, desde o seu inicio atópase tan ligado á contorna educativa que cada vez máis centros educativos deciden incorporalo ao seu currículo. Ver interactuar os elementos na pantalla en base ás instrucións que deseñamos é algo que motiva aos nosos alumnos exercitando o seu pensamento creativo. O NOOC ‘Programa un xogo educativo con Scratch’ axúdache a coñecer a devandita ferramenta co fin de que programes un vídeoxogo educativo de aplicación nas aulas. Anímaste?

Ao finalizar o plan de actividades desta nanoexperiencia de aprendizaxe aberta en colaboración conseguirás unha credencial dixital aberta que se entrega como recoñecemento da aprendizaxe que desenvolverías mediante a realización das diferentes actividades propostas e que almacenarás na mochila de credenciais dixitais abertas " INTEF Insignias". A estimación de carga horaria é só orientativa; non se certifican horas de formación.

Espérase que a participación no NOOC teña como principal motivación a aprendizaxe persoal, o desenvolvemento profesional e a colaboración con outros docentes.

Programa un xogo educativo con Scratch

Imaxe
scratch
Corpo

O deseño feito pola enxeñeira de minas Carla Iglesias, da UVigo, aportará grandes avances para o sector da lousa

Os xacementos de lousa que predominan en Ourense e se estenden por Castela e León son de importancia mundial e fan que España sexa o principal produtor e exportador de lousa ornamental. Durante os últimos trinta anos, a evolución do sector foi constante e a día de hoxe a maior parte dos labores, tanto en mina como en nave, están mecanizados, todos salvo o labrado, selección e clasificación das placas, que se fan manualmente dende hai medio século. Ata o de agora non se dispoñía de ningunha tecnoloxía desenvolvida abondo como para poder levar a cabo estas tarefas de clasificación de xeito automático, algo ao que lle pon solución a tese de doutoramento da enxeñeira de minas da UVigo Carla Iglesias, un traballo no que a investigadora describe un novo sistema de visión artificial e aprendizaxe automática capaz de analizar as placas e decidir a súa calidade comercial, froito do cal se obtivo o Modelo de utilidade ES-1093606_U Sistema para la caracterización de placas de pizarra.

GCIENCIA

 

Unha galega crea un sistema de visión artificial que mide a calidade da lousa

Imaxe
GCIENCIA