Os vindeiros 29 e 30 de abril terán lugar no IES de Brión as XVIII Xornadas de Tecnoloxía organizadas pola APETEGA; o programa das xornadas podes atopalo na ligazón: programa.pdf
Este curso, que oferta 120 prazas dirixidas principalmente ao profesorado de educación secundaria e bacharelato, será homologado pola Consellería de Educación como actividade de formación do profesorado por un total de 12 horas.
O profesorado dependente da Consellería de Educación, en virtude da Orde do 29 de xaneiro de 2016, pode a través da dirección do centro solicitar á xefatura territorial autorización para asistir entregando esta solicitude.
Inscrición:
Nota: Consulta o programa das xornadas antes de formalizar a túa inscrición; hai obradoiros nos que se precisa que os asistentes leven portátil e nalgúns casos outro material enviado aos centros de ensino.
As cotas de inscrición son:
-
Socios/as: Gratis (en caso de non ter domiciliado o pago da cota de renovación, a cota a pagar é de 30 €)
-
Non socios/as: 60 euros (50% de redución desempregados e estudantes)
AVISO: No caso de ter perdida a condición de asociado -por impago das cotas por un período superior a dous anos- ou no caso de querer pertencer á APETEGA, débese consultar a información relativa a altas no apartado "Asociación" desta páxina.
O procedemento de inscrición é o seguinte:
-
Completar este formulario do 15 de abril ao 27 de abril de 2022.
-
Segundo corresponda, facer o ingreso da cota de inscrición na conta de Caixa Rural nº ES14 3070 0021 7561 9418 8329 e enviar copia do comprobante de pago co formulario de matrícula nas Xornadas.
-
As persoas inscritas serán matriculadas no curso XVIII Xornadas de Tecnoloxía de Galicia da aula virtual apetega.gal/aula (todo os socios de Apetega xa teñen conta de usuario). Cada asistente fará a escolla online dos obradoiros aos que asistirá, desde as 09:00 h do 27 de abril de2022.